უკრაინელმა ძალოვნებმა გადაწყვიტეს შეემოწმებინათ ოპერატიული ინფორმაცია იმის შესახებ, თითქოს ოდესის კრიმინალური სამყარო რუსეთის სპეცსამსახურებს დახმარებას დაპირდა.
უკრაინის პოლიციის ინფორმაციით „კრიმინალური სამყაროს წარმომადგენლებთან პროფილაქტიკური ვიზიტების დროს “რუსული სამყაროს“ მომხრეები მათ შორის არ აღმოჩნდა.“ ნაპოვნია მხოლოდ ხელყუმბარები, ტყვიები, ცეცხლსასროლი იარაღი და დანები, რომლებიც პოლიციამ ამოიღო.
“ამ კატეგორიის ადამიანების ჩვენებების სინამდვილის შესამოწმებლად ერთ–ერთ ინსტრუმენტად გამოვიყენეთ გამოკითხვა პოლიგრაფის მეშვეობით. ყველა გამოკითხვა თანხმობით, რაიმე სახის იძულების ან წინააღმდეგობის გარეშე ჩატარდა“– ამბობს პოლიცია.
“შედეგებმა გვაჩვენა, რომ ინფორმაცია მტერთან მათი შესაძლო თანამშრომლობის შესახებ – ეს არის ფეიკი“– აცხადებს უკრაინის ნაციონალური პოლიცია.
