პარლამენტის ვიცე-სპიკერის, გია ვოლსკის თქმით, მმართველი პარტია საგანგებო მდგომარეობის გახანგრძლივებას მხარს დაუჭერს. ვოლსკი იმედოვნებს, რომ პრეზიდენტი პარლამენტს უახლოეს პერიოდში მიმართავს.
,,წინასწარი კონსულტაციები ამასთან დაკავშირებით გვქონდა და იმედი მაქვს, რომ პრეზიდენტიც უახლოეს პერიოდში მოგვმართავს და უმრავლესობაც, რასაკვირველია, მხარს დაუჭერს ამ შეზღუდვებს“,- თქვა ვოლსკიმ.
დღეს პრემიერმა გახარიამ განაცხადა, რომ პრეზიდენტს მიმართავს, რომ მან პარლამენტს მიმართს საგანგებო მდგომარეობის 10 მაისამდე გახანგძლივების თხოვნით.
გახარიას განცხადებითვე, ხვალ 21:00 საათიდან 4 დიდ ქალაქში: თბილისში, რუსთავში, ბათუმსა და ქუთაისში 10 დღით შესვლა და გამოსვლა იკრძალება.
