აშშ-ის ყოფილი ვიცეპრეზიდენტის, ჯო ბაიდენის მრჩეველი თავდაცვის საკითხებში, მაიკლ კარპენტერი საქართველოს ხელისუფლებას მოუწოდებს, გაათავისუფლოს გიორგი რურუა. ამის შესახებ მან ტვიტერზე დაწერა.
“ქართულმა ოცნებამ აჩვენა აღმაფრთოვანებელი მზადყოფნა კომპრომისისთვის და ახლა მან უნდა გაათავისუფლოს ოპოზიციის ლიდერი გიორგი რურუა და გაიროს საკონსტიტუციო რეფორმა. ქართული დემოკრატია ძლიერია და სარგებელს მიიღებს ოქტომბრის კონკურენტუნარიანი არჩევნებით”,- წერს კარპენტერი.
Georgian Dream has shown an admirable willingness to compromise, and now it should release opposition leader Giorgi Rurua and pass constitutional reforms. Georgian democracy is strong and will benefit from competitive elections this October. https://t.co/nenS1xMlUR
— Michael Carpenter (@mikercarpenter) June 17, 2020
შეგახსენებთ, რომ გიორგი რურუას იმ 3 პოლიტპატიმარს შორის იყო, რომელიც 8 მარტის შეთანხმების შედეგად, ოპოზიციის თქმით, უნდა გათავისუფლებულიყო. თუმცა ირაკლი ოქრუაშვილისა და გიგი უგულავას გათავისუფლების მიუხედავად, ის კვლავ ციხეში რჩება.
რურუა ბრალს არ აღიარებს და თავს პოლიტპატიმრად მიიჩნევს, ოპოზიცია კი ამბობს, რომ სანამ სრულად არ შესრულდება 8 მარტის შეთანხმება, ანუ გათავისუფლდება მე-3 პოლიტპატიმარი, საკონსტიტუციო ცვლილებებს მხარს არ დაუჭერს.
