“ქოცური ხელისუფლების დღეები დათვლილია” – სააკაშვილის წერილი ციხიდან

საქართველოს მესამე პრეზიდენტი მიხეილ სააკაშვილი ციხიდან კიდევ ერთ წერილს აგზავნის. ის საზოგადოებას მისმა უფლებადამცველმა, დიტო საძაგლიშილმა გააცნო.

ყოფილი პრეზიდენტი ამბობს, რომ ხელისუფლების დღეები დათვლილია.

“ძალიან მაგარი შედეგები გვაქვს ამ ბოლო რეფერენდუმზე. ადგილობრივ არჩევნებს საქართველოში ეს მთავრობა ყოველთვის იგებდა უმარტივესად და ზედმეტი დაძაბვაც არ სჭირდებოდა. ახლა, როცა ეგონათ, რომ გატეხეს ხალხი, ყველა დიდ ქალაქში არის მეორე ტური და აქედან რამდენიმეში წინ არის ნაციონალური მოძრაობა. ეს ნიშნავს მხოლოდ ერთს – არამხოლოდ არ მოვდუნდით, არამედ კიდევ მეტად ვიბრძოლეთ. ქოცური ხელისუფლების დღეები დათვლილია”,– წერია სააკაშვილის წერილში.