პრემიერმინისტრი ირაკლი ღარიბაშვილი ამბობს, რომ ბოლო ინფორმაციით, მსოფლიო ბაზარზე საწვავის ფასები შედარებით შემცირებულია, ლარი კი გამყარებულია.
“ამიტომ მე მაქვს მოლოდინი, ძვირფასო საწვავის იმპორტიორებო, რომ გაითვალისწინებთ ჩვენი ქვეყნის, ჩვენი მოქალაქეების მდგომარეობას და რაც შეიძლება მალე მოახდენთ ფასების კორექტირებას. მე ვიცი, რომ არსებობს მოლოდინი, ძალიან მალე ფასები შემცირდება საქართველოში. რაც მალე დაიწყება ეს პროცესი, უკეთესი იქნება”,– განცხადა ღარიბაშვილმა მთავრობის სხდომაზე.
მისივე ცნობით, “სხვა ჯგუფებმაც დაიწყეს შედარებით იაფიანი საწვავის შემოტანა”.
“აქაც უნდა გავხსნათ პროცესი, ყველას უნდა მიეცეს საშუალება, შემოიტანოს ნავთობი და საწვავი, რადგან მეტი არჩევანის საშუალება ჰქონდეს მოქალაქეს”,– აღნიშნა პრემიერმა.
