რუსმა ოპოზიციონერმა, ალექსეი ნავალნიმ ნოვიჩოკით მოწამვლის შემდეგ ინსტაგრამზე პირველი პოსტი გამოაქვეყნა.
“გამარჯობა, ეს ნავალნია. ყველანი მენატრებით. ჯერ კიდევ თითქმის არაფერი შემიძლია, თუმცა გუშინ მთელი დღე დამოუკიდებლად ვსუნთქავდი. მთლიანად თვითონ. არავითარი დახმარება არ დამჭირდა. ძალიან მომეწონა. გასაოცარი, ბევრისგან დაუფასებელი პროცესი. რეკომენდაციას ვიძლევი”, – წერს პოსტში ნავალნი.
20 აგვისტოს ალექსეი ნავალნი ტომსკი-მოსკოვის თვითმფრინავში შეუძლოდ გახდა და გონება დაკარგა, რის შემდეგაც თვითმფრინავი ომსკში დაეშვა და პოლიტიკოსი საავადმყოფოში გადაიყვანეს.
2 სექტემბერს გერმანიის მთავრობამ განაცხადა, რომ ნავალნი ნოვიჩოკის ჯგუფის ნივთიერებით მოწამლეს, რაც მხოლოდ რუსეტში მზადდება.
