“ნაციონალური მოძრაობის” თავმჯდომარე გრიგოლ ვაშაძე უარყოფს მედიაში გავრცელებულ ინფორმაციას, რომლის მიხედვით, გაერთიანებული ოპოზიცია იშლება და ის თავმჯდომარის პოსტს ტოვებს.
ვაშაძის თქმით, ის არსად წასვლას არ აპირებს და გაერთიანებული შედეგი 2020 წლის არჩევნებზე ისეთ შედეგს აჩვენებს, არც დიდი ხანია არ უჩვენებია.
“მე ვიცი, ეს ჭორები, რომელიც ცირკულირებს პრესაში და პოლიტიკასთან ახლო წრეებში, თითქოს ხან მე მივდივარ თავმჯდომარის პოსტიდან, ხან გაერთიანებული ოპოზიცია იშლება, ხან კვლევების მიხედვით “ნაციონალურ მოძრაობას” და მის მოკავშირეებს არავითარი შანსები აქვთ არჩევნებზე. პირველი – მე არსად არ მივდივარ, არ იშლება გაერთიანებული ოპოზიცია და პირიქით, მას ახალი სუბიექტები შემოემატებიან ძალიან მალე და მესამე, ასეთი შედეგი გაერთიანებულ ოპოზიციას, რომელიც გვექნება 2020 წელს, დიდი ხანია არ უჩვენებია”- აცხადებს გრიგოლ ვაშაძე.
ცნობისთვის, ტელეკომპანია “ფორმულას” დაკვეთით, Edison Research-ის მიერ ჩატარებული კვლევის მიხედვით, ენმ – გაერთიანებული ოპოზიციას მოსახლეობს 29% პოზიტიური აფასებს, 71% ნეგატიურად.
გარდა ამისა, პასუხები კითხვაზე, თუ ვის მისცემდნენ ხმას, საპარლამენტო არჩევნები დღეს რომ ჩატარდეს, შემდეგნაირად ნაწილდება:
ქართული ოცნება – 39%; ერთიანი ნაციონალური მოძრაობა – 16% ; ევროპული საქართველო – თავისუფალი დემოკრატები – 5% ; მოსახლეობის 20% ამბობს, რომ არ გადაუწყვეტია, ვის მისცემს ხმას.
