გიორგი შაქარაშვილის მკვლელობის საქმეში ბრალდებული ერთ-ერთი არასრულწლოვნის, ზ.ხ-ის მამა ამბობს, რომ შესაძლოა გიორგი შაქარაშვილი თავისმა მეგობრებმა სცემეს, რადგან მათ ჩხუბში არ დაეხმარა.
“შეიძლება თავისივე მეგობრებმა სცემეს, იმიტომ, რომ მათ ჩხუბში არ მიეხმარა, აშველებდა და შემდეგ გაიქცა. ამირხანაშვილი ჩემი შვილის მანქანაში იყო, როდესაც ჩამოიყვანეს, გური ამოიცნობს, რა თქმა უნდა.
შეიძლება თავისივე მეგობრებმა სცემეს, იმიტომ, რომ მათ ჩხუბში არ მიეხმარა, აშველებდა და შემდეგ გაიქცა. ჩემი შვილი ყვება, რომ აგარაკზე მისვლის შემდეგ მანქანიდან გადავიდა, სხვა ბიჭები გაიქცნენ და სად გაიქცნენ, ვერ დაინახა. გური ამირხანაშვილი უკანა გზაზე ნახეს. უყვებოდა, ის ბიჭი საერთოდ არაფერ შუაში არ იყოო და ნერვიულობდა. თუ ოჯახს აწყობს, რომ უდანაშაულო ხალხი დაისაჯოს, კი ბატონო, მაგრამ ოჯახმა უნდა იპოვოს ის, ვინც მართლა დააშავა”. – განაცხადა არასრულწლოვნის მამამ.
დღეს დაზარალებულმა გური ამირხანაშვილმა უნდა ამოიცნოს “ტოიოტას” მარკის ავტომობილში მყოფი არასრულოწვანი ზ.ხ. ის სასჯელაღსრულების დაწესებულებიდან საგამოძიებო უწყებაში უკვე გადაიყვანეს და ამ ეტაპზე ამოცნობის პროცედურა მიმდინარეობს.
გიორგი შაქარაშვილი 19 ივნისს გაუჩინარდა – მის ცხედარს 22 ივნისს მიაკვლიეს მდინარე არაგვში.
ფეხბურთელის გარდაცვალების საქმეზე 17 ადამიანია დაკავებული. არცერთ მათგანს განზრახ მკვლელობის მუხლს გამოძიება არ ედავება. გამოძიება საქმის განხილვის 1 თვით გადადებას ითხოვს.
