შვედეთი NATO-ს 32-ე ოფიციალური წევრი გახდა. ინფორმაცია აშშ-ის სახელმწიფო დეპარტამენტის ვებგვერდზე გამოქვეყნდა.
დოკუმენტი ძალაში 2024 წლის 7 მარტიდან შევიდა.
ალიანსში ახალი ქვეყნების მისაღებად ბლოკის ყველა წევრის თანხმობა იყო საჭირო. ფინეთისა და შვედეთის გაწევრიანებას კი თურქეთი და უნგრეთი აფერხებდნენ.
ნატო 1949 წელს შექმნის შემდეგ 10-ჯერ გაფართოვდა. საბჭოთა კავშირის დაშლის შემდეგ ალიანსში 16 ქვეყანა შევიდა. მათ შორისაა ფინეთი, რომელიც გასულ წელს შეუერთდა და შვედეთი, რომელიც დღეს, 7 მარტს გახდა ნატოს წევრი.
ალიანსში ახლა 32 ქვეყანა შედის.
