“შიშზე და არა პრინციპებზე დაფუძნებული პოლიტიკა ” – ასე ეხმაურება, საქართველოში აშშ-ის ყოფილი ელჩი იან კელი, საქართველოს პრემიერ-მინისტრის, ირაკლი ღარიბაშვილის სიტყვებს, რომ “ომის თავიდან ასაცილებლად ნებისმიერი პატრიოტი ხელისუფალი უნდა აკეთებდეს ყველაფერს”.
”შიშზე და არა პრინციპებზე დაფუძნებული პოლიტიკა. მისი ქვეყნის 2/3-ს NATO-სა და ევროკავშირის წევრობა სურს. ეს პოზიცია არც დასავლეთის ღირებულებებს და არც მისი ხალხის ინტერესებს წარმოადგენს.”- წერს იან კელი.
