ფეხბურთელი შოთა არველაძე ნიკოლოზ ბასილაშვილს მხარდაჭერას უცხადებს, თუმცა ამბობს, რომ ძალადობას გმობს. ამის შესახებ მან ფეისბუქის გვერდზე დაწერა და სტატუსთან ერთად ნიკოლოზ ბასილაშვილის სურათი დადო:
“ჩემი ბუნებით, ხასიათით და პრინციპებით, ყოველთვის, ყველანაირი ძალადობის წინააღმდეგი ვარ – განსაკუთრებით ქალების მიმართ, რომლებიც ჩვენს ცხოვრებას ალამაზებენ. ნიკოლოზ ბასილაშვილი ძალიან დიდი, მოქმედი ქართველი სპორტსმენია, რომელმაც პირადად მე და მის ათასობით გულშემატკივარს, არაერთხელ მოგვცა სიამაყის საფუძველი. არ ვიცნობ პირადად, მაგრამ, მინდა ამ რთულ მომენტში მხარდაჭერა გამოვუცხადო.“– წერს არველაძე.
ცნობილ ჩოგბურთელს, ნიკოლოზ ბასილაშვილს არასრულწლოვანი შვილის თანდასწრებით ყოფილ ცოლზე ძალადობაში ედება ბრალი. მას თბილისის საქალაქო სასამართლომ მას აღკვეთის ღონისძიების სახლით 100 000 ლარიანი გირაო შეუფარდა. ჩოგბურთელი დანაშაულს არ აღიარებს.
ბოდიშს ვუხდი საზოგადოებას – ნიკოლოზ ბასილაშვილის პირველი კომენტარი
ბასილაშვილმა ყოფილ ცოლზე, არასრულწლოვნის თანდასწრებით, ფიზიკურად იძალადა – პროკურატურა
ნიკოლოზ ბასილაშვილს 100 ათასი ლარის ოდენობის გირაო შეეფარდა
მინდა მხარდაჭერა გამოვუცხადო დაზარალებულ ქალს! – ლომჯარია ბასილაშვილის ყოფილ ცოლზე
