შინაგან საქმეთა სამინისტრი აქვეყნებს ვლადიმირ პოზნერის საჯარიმო ქვითარს, რომლითაც, მათი თქმით, დასტურდება რომ რუსი ჟურნალისტი 2000 ლარით დააჯარიმეს.
“სხვადასხვა მედიასაშუალების მიერ ვრცელდება არასწორი ინფორმაცია, რომ მიმდინარე წლის 31 მარტს საქართველოში სტუმრად მყოფი პირები, რომლებმაც დაარღვიეს იზოლაციისა და კარანტინის წესები, არ დაჯარიმებულან.
მაღალი საზოგადოებრივი ინტერესიდან გამომდინარე, ვასაჯაროებთ ადმინისტრაციული ჯარიმის ქვითარს და აქვე, კიდევ ერთხელ განვმარტავთ, რომ საპატრულო პოლიციის დეპარტამენტის თანამშრომლების მიერ, იზოლაციისა და კარანტინის წესის დარღვევის ფაქტზე, ადმინისტრაციულ სამართალდარღვევათა კოდექსის 42(10) – ე მუხლის შესაბამისად დაჯარიმდა 32 პირი. ამასთან ყველა მათგანის ჯარიმა გადახდილია, რის შემდეგაც მათ დატოვეს ქვეყანა”,– აცხადებს შსს.
ცნობისთვის, პოზნერმა რუსულ მედიასთან განაცხადა, რომ მათგან თბილისში არავინ დაუჯარიმებიათ.
