გუშინ ღამით რუსული კანონის საწინააღმდეგო პროტესტის დროს 23 ადამიანი დააკავეს. ინფორმაციას შინაგან საქმეთა სამინისტრო ავრცელებს.
დაკავებულები სამართალდამცველებმა ავჭალის იზოლატორში გადაიყვანეს, მათ წვრილმან ხულიგნობასა და პოლიციელის მოთხოვნისადმი დაუმორჩილებლობას ედავებიან.
დაკავებულები ადვოკატებმა უკვე მოინახულეს.
ერთ-ერთ დაკავებულს დაზიანებები აღენიშნება.
გუშინ, თამარ მეფის გამზირზე აქციის მონაწილეების ნაწილს უცნობი პირების ჯგუფი თავს დაესხა.
