“დღეს აქ მოტანილი ტიტები არის არამხოლოდ 9 აპრილს დაღუპული გმირებისთვის, ეს ყვავილები ასევე ამკობს ქართველ და უკრაინელ გმირებს, რომლებიც დღეს იბრძვიან ზუსტად იგივე იდეალისთვის, თავისუფლებისთვის, დამოუკიდებლობისთვის. ჩვენი მაგალითი არის ის, რომ 1989 წლის 9 აპრილს მოყვა 1991 წლის 9 აპრილი. ეს არის გამარჯვების მაგალითი, ეს არის იმედი, რომ ყოველი ბრძოლა ყოველთვის ღირს, თუ ის არის ღირსეული და არის თავისუფლებისთვის და ჩვენ ეს არასდროს უნდა დაგვავიწყდეს. უნდა ვიდგეთ ჩვენი უკრაინელი ძმების გვერდით. ნებისმიერი ბზარი ჩვენსა და უკრაინას შორის მხოლოდ და მხოლოდ ერთს ახეირებს და ეს არის რუსეთი. ეს უნდა ვიცოდეთ, არ დაგვავიწყდეს და ვიყოთ სოლიდარული, ვიყოთ ჩვენი წარსულისა და ტრადიციების ღირსი, ამ ადამიანების ღირსი, ვინც აქ 89 წელს იდგნენ და არ დაჩოქილან”
თქვა საქართველოს პრეზიდენტმა, სალომე ზურაბიშვილმა.
