წაიღეთ ნავთობი და იქით გადაგიხდით: WTI მარკის ნავთობის ფასმა პირველად ისტორიაში უარყოფით ნიშნულს მიაღწია მას შემდეგ, რაც რამდენიმე საათის განმავლობაში განუწყვეტლად ეცემოდა.
ნულს ქვევით ფასი ერთ ბარელზე ამ სფეროსთვის უჩვეულო არ არის. საცავების გადავსებისას მწარმოებლები იძულებულნი არიან მათი განტვირთვისთვის იქით გადაიხადონ ფული. სწორედ ეს დაემრათა WTI-ს. ფასების ჩამოშლას ფაქტორების მთელ კომპლექსს უკავშირებენ: ზოგადი ჭარბწარმოება, კორონავირუსის ფონზე მოთხოვნის მკვეთრი დაცემა, ტრეიდერების გაურკვევლობა სიტუაციის შემდგომ განვითარებასთან დაკავშირებით.
შედეგად, საცავებში ნავთობის მარაგები იზრდება. ამჟამად WTI-ს რეზერვები რეკორდულ 160 მილიონ ბარელად ფასდება. ამიტომაც ფინანსური ტრეიდერები, რომლებსაც იშვიათად აქვთ საქმე რეალურ მიწოდებასთან, იმ რეალობის წინაშე აღმოჩნდნე, როცა უბრალოდ აღარ იციან სად განათავსონ შენაძენი.
უფასურდება Brent–ის მარკის ნავთობიც, თუმცა ისე ძლიერ არა, როგორც WTI. მისი ფასი ერთ ბარელზე 26%–ით შემცირდა.
ერთი კვირის წინ ოპეკის წევრმა ქვეყნებმა შეთანხმებას მიაღწიეს ორი წლის მანძილზე ნავთობის მოპოვების “ანტიკრიზისულ შემცირებასთან“ დაკავშირებით. თუმცა, ანალიტიკოსები პოლიტიკოსებისგან განსხვავებით ამ შეთანხმებას სკეპტიკურად შეხვდნენ. ნებსმიერ შემთხვევაში მოპოვების შემცირება ისე, რომ მოთხოვნის კოლოსალური ვარდნა დააკომპენსიროს, უბრალოდ ტექნიკურად შეუძლებელია.
ექსპერტების შეფასებით დაგროვილი მარაგების შემცირება და შესაბამისად ფასების ვარდნის შეჩერება ამ წლის მეორე ნახევარზე ადრე არ დაიწყება.
