ბელგიაში ხანდაზმულთა სახლში 27 ადამიანი გარდაიცვალა კორონავირუსით მას შემდეგ, რაც მას სანტა კლაუსი ეწვია. მსახიობი, რომელმაც მოხუცებს ახალი წელი მიულოცა, ჯერ კიდევ დეკემბრის დასაწყისში კორონავირუსით იყო ინფიცირებული, თუმცა ამის შესახებ არ იცოდა. ინფექციის აფეთქება რამდენიმე კვირის შემდეგ დააფიქსირეს.
თავშესაფარში ამჟამად კორონავირუსით 130 ადამიანია დაინფიცირებული – როგორც მისი მაცხოვრებლები, ისე პერსონალი. ხანდაზმულთა ნათესავები დაწესებულების ხელმძღანელობას ადანაშაულებენ და ამბობენ, რომ კარანტინის პირობებში ასეთი ზეიმის ორგანიზება დაუშვებელი იყო.
ამავე დროს, ადგილობრივმა ექიმებმა თავშესაფარში კორონავირუსის ერთდროულად სამი შტამი გამოავლინეს, ამიტომაც მათი თქმით, არ შეიძლება დადასტურებულ ფაქტად ჩაითვალოს ის, რომ დაინფიცირების წყარო სანტა კლაუსი გახდა.
