ექსპერტი გია ხუხაშვილი თვლის, რომ ოპოზიციის ნაწილის მხრიდან 20 ივნისის ამნისტიაზე ხელმოწერა მათთვის თვითმკვლელობის ტოლფასი იქნება. ხელისუფლებას კი ამ ამნისტიის ლობირებით საკუთარი დანაშაულის დაფარვა უნდა.
“პოლიტიკური შეთანხმების ენდშპილი ასე გამოიყურება:
1. ქართული ოცნების მხრიდან ამნისტიის ლობირება ნიშნავს, რომ ამნისტია მათ საკუთარი დანაშაულის დასაფარად ჭირდებოდათ და არა მელიას გასათავისუფლებლად.
2. ხელმომწერი ოპოზიციის მხრიდან რაიმე კომპრომისზე წასვლა ისეთ საქმეებზე, სადაც დაზარალებული არსებობს პოლიტიკური სუიციდის ტოლფასი იქნება.
3. მელია ახლა მორალურად აბსოლუტურად გამართულია. როგორც არ უნდა დასრულდეს ეს პარტია, ვერავინ გაიშვერს მისკენ ხელს, რომ რაიმე მორალური კომპრომისი დაუშვა.
დაველოდოთ…“– წერს გია ხუხაშვილი ფეისბუქზე.
