სამხრეთის ოპერატიულ ზონაში, ხერსონის ოლქში უკრაინის არმიის სარაკეტო–საარტილერიო ქვედანაყოფებმა სხვა ქვედანაყოფებთან ერთად რუსებზე შეტევა მიიტანეს, რის შედეგადაც საბრძოლო მასალების 2 საწყობი, რამდენიმე ერთეული ტექნიკა და 18 რუსი სამხედრო გაანადგურეს. ამის შესახებ სამხრეთის ოპერატიული მეთაურობა იუწყება.
უკრაინის შეიარაღებული ძალების მიერ მტრისთვის მიყენებული ზიანი ასეთია:
საბრძოლო მასალების 2 საწყობი
2 თვითმავალი საარტილერიო– ნაღმმტყორცნი დანადგარი “Нона-С”
1 საზენიტო დანადგარი 23–ე კალიბრის.
1 ჰაუბიცა “Мста-Б”
5 ჯავშან მანქანა და ჩვეულებრივი მანქანები
თავის მხრივ, რუსული არმია განაგრძობს სარაკეტო და საჰაერო დარტყმების ტაქტიკის გამოყენებას და თავდაცვის ზღუდეების აგებას.
რუსებმა ხერსონის ოლქში არტილერიით დაბომბეს სოფელი დიდი კოსტრომკა. დაზიანდა სასოფლო სამეურნეო საწყობები, თუმცა მსხვერპლი არ ყოფილა.
რუსულმა ვერტმფრენმა ცალკეული შეტევები მიიტანა ხერსონის ოლქში უკრაინელების მიერ გათავისუფლებულ რამდენიმე დასახლებაზე, თუმცა უკრაინული მხრიდან დანაკარგი არ არის.
