“15 მაისიდან არაგვის კალაპოტში წყლის მატებაა მოსალოდნელი – გთხოვთ, განსაკუთრებული სიფრთხილე გამოიჩინოთ” – ნათქვამია GWP-ის განცხადებაში. მათი ცნობით, წყლის მატება გამოწვეულია მცხეთა-მთიანეთის რაიონში მოსული უხვი ნალექითა და შესაბამისად ჟინვალის წყალსაცავში წყლის უხვი შემოდინებით.
“ბუნებრივ უხვ ნალექთან ერთად მდინარის კალაპოტს შეუერთდება ჟინვალის წყალსაცავიდან გამოშვებული ჭარბი წყალი. წყალდიდობის დროს კაშხლის მდგრადობისა და უსაფრთხოების ნორმების უზრუნველყოფის მიზნით, ჟინვალის წყალსაცავის საექსპლუატაციო პირობები მკაცრად კონტროლდება “წყალსაცავის ექსპლუატაციის ინსტრუქციის” დოკუმენტით. გთხოვთ, განსაკუთრებული სიფრთხილე გამოიჩინოთ აღნიშნულ პერიოდში მდინარე არაგვის კალაპოტთან გადაადგილებისას”, – წერია ინფორმაციაში.
