საქართველოს მორაგბეთა ნაკრებმა რუსეთის ნაკრები ანგარიშით 16:7 დაამარცხა. ლელოს დადება 2020 წლის რაგბის ევროპის ჩემპიონატის დასკვნით შეხვედრაზე ვასკა ლობჟანიძემ შეძლო.
დღევანდელ მატჩს პანდემიის გამო, გულშემატკივარი ვერ დაესწრო. მატჩი მიხეილ მესხის სტადიონზე ჩატარდა.
საქართველოს რაგბის ნაკრებმა რუსეთი ზედიზედ მეცხრამეტედ დაამარცხა. რუსეთს საქართველოს ნაკრებთან სულ ერთხელ, 1993 წელს აქვს მოგებული, მას შემდეგ კი, ერთადერთხელ, 2002 წელს მატჩი ფრედ დასრულდა.
