8 ექიმისგან შემდგარმა კონსილიუმმა კლინიკაში საქართველოს კათოლიკოს-პატრიარქი, ილია II მოინახულა. კომენტარი რეანიმატოლოგმა და პარტია ფედერალისტების წევრმა, ვახტანგ კალოიანმა გააკეთა.
“დღეს რეანიმატოლოგები შევიკრიბეთ. სამედიცინო დოკუმენტაცია და ანალიზების პასუხები ვნახეთ და პაციენტი გავსინჯეთ. ვითარება რთულია. გულის მუშაობისა და წნევის შესანარჩუნებლად ის რამდენიმე მედიკამენტზე იმყოფება. შემდგომი დინამიკა მნიშვნელოვანი იქნება, რამდენად ეფექტური იქნება ის ჩარევები, რაც განხორციელდა.
ამ ეტაპზე, სისხლდენა გაჩერებულია და ვითარება კონტროლს ექვემდებარება. მედიკამენტების ფონზე წნევის შენარჩუნება ხერხდება, დანარჩენი უკვე დროის საკითხია. ამ ეტაპზე რაც შემიძლია ვთქვა, მკურნალობა სრული მოცულობითა და სწორადაა ჩატარებული და ეს მკურნალობა არანაირ რადიკალურ ცვლილებას არ საჭიროებდა. ამ ეტაპზე რაც შესაძლებელია, ოპტიმალურია გაკეთებული. ამ ეტაპზე მის მდგომარეობას რა პრეპარატები და ტექნიკური აღჭურვილობაც სჭირდება, ყველაფერი უზრუნველყოფილია. ამ მხრივ დაატებითი მობილიზაცია საჭირო არაა”. – თქვა კალოიანმა.
