ერთიანი ნაციონალური მოძრაობის ლიდერი, ნიკა მელია პრეზიდენტის ბრიფინგს პასუხობს და ამბობს, რომ სალომე ზურაბიშვილი ევროატლანტიკური მისწრაფების მქონე საზოგადოების გახლეჩას ცდილობს:
“სალომე ზურაბიშვილი წყვეტს ვიზიტს ევროპაში, იმიტომ რომ ბრიუსელში დახვდა უმძიმესი ამბავი (როგორც თავად ამბობს);
მოდის საქართველოში იმისათვის, რომ იმოქმედოს და პასუხიმგებლობა და ინიციატივა აიღოს საკუთარ თავზე – და რაში მდგომარეობს მისი ინიციატივა? როგორ აგვარებს პრობლემას?!
არ იყენებს მის ხელთ არსებულ ბერკეტებს დასახელებული პრობლემების მოსაგვარებლად და ნიშნავს აქციას;
რომელ პრეზიდენტის მიერ დასახელებულ ან ბრუსელში მოსმენილ პრობლემას აგვარებს 16 ივნისს დაგეგმილი აქცია?!
20 ივნისის აქციის დაგმობით სალომე ზურაბიშვილი ახდენს ევროატლანტიკური მისწრაფების მქონე საზოგადოების გახლეჩას.
იცავს და პატივისცემას უდასტურებს ბიძინა ივანიშვილს აი იმ ბიძინა ივანიშვილს, ვინც ევროპულ მომავალს გვართმევს.
გაუგებარია რა შედეგის მიღწევას ცდილობს ქალბატონი ზურაბიშვილი, თუმცა სრულიად გასაგებია რა არის ქართველი ხალხის ნება – ევროპული მომავალი!
20 ივნისს 20 საათზე რუსთაველზე“– წერს ნიკა მელია ფეისბუქზე.
შეგახსენებთ, რომ 14 ივნისს გამართულ ბრიფინგზე სალომე ზურაბიშვილმა 16 ივნისისთვის აქცია დააანონსა, რომელზეც მისი თქმით, მოქალაქეებმა საკუთარი ევროპული მისწრაფება უნდა გამოხატონ.
