პირველ რიგში, რაც შეეხება თანხების ამოღებას დაახლოებით 20 მილიონი ლარის თანხებია, როგორც ვიცი, ამოღებული მთლიანად, ეს თანხები მიექცევა საქართველოს ბიუჯეტში და სახელმწიფო ბიუჯეტს აუნაზღაურდება ის დანაკლისი, რომელიც მიიღო კონკრეტული, სავარაუდო, კორუფციის ფაქტებიდან.
რაც შეეხება პასუხისმგებლობას, ამაზე უწყებები გაგცემენ პასუხს.
რაც შეეხება ჩვენს პასუხისმგებლობას, პასუხისმგებლობა შეიძლება დადგეს, იმ შემთხვევაში თუ არ არსებობდა ობიექტური გარემოებები, რომლის გამოც შეუძლებელი იყო კონკრეტული ნაბიჯების გადადგმა, იმ პირობებში, როდესაც ჩვენ გვიწევდა ძალიან მძიმე ფრონტზე ბრძოლა, რაღაცებში ჩაღრმავება შეიძლება იყო შეუძლებელი.
თუმცა მე მინდა შეგახსენოთ კიდევ ერთხელ, ჯერ კიდევ 2023 წლის დეკემბერში გამოვიდა ბატონი ბიძინა ივანიშვილი სიტყვით და მან გააკეთა პირდაპირი განცხადებები კორუფციის მიმართ უკომპრომისო დამოკიდებულებასთან დაკავშირებით და იმ დღიდან მოყოლებული, 2024 წლის 8 თებერვლიდან, კონკრეტულად, როცა ჩამოყალიბდა ახალი მთავრობა, ჩვენ მივიღეთ არაერთი ზომა, იმისათვის რომ მაქსიმალურად გამოგვერიცხა კორუფცია ჩვენს ქვეყანაში.
ამიტომ როცა საუბარია იმაზე, რომ აქ ჩვენ რაღაც ფულის ამოღება გვინდა, თუ სხვა რამე, ფულის ამოღებაც გვინდა ბიუჯეტისთვის, ეს ერთი, მაგრამ ჩვენ ჩვენს დამოკიდებულებას კორუფციის მიმართ ვაჩვენებთ, არა მხოლოდ იმით, რომ წარსულ საქმეებში ჩავიხედეთ, არამედ იმით, რომ 2024 წლის 8 თებერვლიდან მოყოლებული ვდგამთ ყველა ნაბიჯს, იმისათვის რომ გამჭვირვალე იყოს მთავრობის საქმიანობა და აბსოლუტურად გამჭვირვალედ წარიმართოს ყველა პროცედურა, მათ შორის, ტენდერები, პრივატიზაცია და ასე შემდეგ.
ეს აჩვენებს, პირველ რიგში, ჩვენს დამოკიდებულებას, რომ ჩვენ ყველა ნაბიჯი გადავდგით ჩვენს ქვეყანაში კორუფციის აღსაკვეთად, რის შედეგებსაც საზოგადოება ხედავს.
