მომხმარებელთა პერსონალური მონაცემების გამოთხოვის მიზნით, საქართველოს საგამოძიებო სამსახურებმა Meta-ს 2023 წლის პირველ ნახევარში, 47-ჯერ მიმართეს, რაც 2022 წლის ანალოგიურ პერიოდთან შედარებით, თითქმის, ორჯერ მეტი განაცხადია.
ამის შესახებ Meta-ს ანგარიშში წერია.
უმეტესი ნაწილი სისხლის სამართლის გამოძიებას უკავშირდებოდა, ხოლო საქართველოდან შესული მოთხოვნების 93.62% დაკმაყოფილდა, რაც ნიშნავს, რომ Meta-მ მოთხოვნილი ინფორმაციის უმეტესი ნაწილი საქართველოს ხელისუფლებას მიაწოდა.
ამ განცხადებების რაოდენობით საქართველო სამხრეთ კავკასიის ქვეყნებს შორის ლიდერობს. მაგალითად, მეზობელი აზერბაიჯანიდან Meta-ში 15, სომხეთიდან კი სულ 5 ასეთი განაცხადი შევიდა.
