“2024 წლამდე არავითარი არჩევნები და არავითარი მოლაპარაკებები არ იქნება” – “ქართული ოცნების” თავმჯდომარის ირაკლი კობახიძის განცხადებით, ქვეყანაში ე.წ. ხელოვნური კრიზისი დამთავრებულია და 2024 წლამდე არანაირი მოლაპარაკებები აღარ იქნება.
“დამთავრდა ე.წ ხელოვნური კრიზისი მას შემდეგ, რაც ჩვენ მოვიგეთ ე.წ. რეფერენდუმი, 3 წელი ამ ქვეყანას მიეცემა მშვიდად განვითარების საშუალება,არავითარი არჩევნები არ იქნება 2024 წლამდე და არავითარი მოლაპარაკებები არ იქნება 2024 წლამდე. თუ ვინმეს საუბარი უნდა, უნდა ისაუბროს საქართველოს პარლამენტში, რომელიც არის ადგილი პოლიტიკური დებატებისთვის”, – განაცხადა კობახიძემ.
