უკრაინის თავდაცვის მინისტრმა, სერგეი შოიგუმ უკრაინის ომზე ბოლო სამი კვირის განმავლობაში პირველად კომენტარი გააკეთა.
BBC-ის ცნობით, მან თქვა, რომ რუსეთი “თანმიმდევრულად ასრულებს დონეცკისა და ლუგანსკის “გათავისუფლების” გეგმას.
შოიგუს მტკიცებით, აშშ და სხვა დასავლური ქვეყნები ყველაფერს აკეთებენ იმისთვის, რომ ომი მაქსიმალურად “გახანგრძლივდეს”.
“აშშ და დასავლეთის კონტროლირებადი ქვეყნები ყველაფერს აკეთებენ იმისათვის, რომ შეძლებისდაგვარად შეაფერხონ სპეციალური სამხედრო ოპერაცია. უცხოური იარაღის მიწოდების მზარდი მოცულობები ნათლად აჩვენებს მათ განზრახვას, მოახდინონ კიევის რეჟიმის პროვოცირება, რათა იბრძოლოს “უკანასკნელ უკრაინელამდე”,– განაცხადა რუსეთის თავდაცვის მინისტრმა.
ცნობისთვის, სერგეი შოიგუ ბოლო დროს არ ჩნდება საჯარო სივრცეში და არ აკეთებს განცხადებებს. ბოლოს მან საჯაროდ 29 მარტს ისაუბრა.
