საზოგადოებრივი კომუნიკაციების მართვის სპეციალისტი, არჩილ გამზარდია ხელისუფლების გადაწყვეტილებას მოსახლეობის ნაწილისთვის კომუნალური გადასახადების დაფარვის შესახებ ფეისბუქზე აკრიტიკებს:
“რა ვირეშმაკები ხართ ხელისუფლებაში. სახლში რომ ვართ დარჩენილები მთელი ოჯახები, რა დიდი ფიქრი იმას უნდა, რომ ბევრად მეტი გვჭირდება დენიც და ბუნებრივი აირიც, ვიდრე ადრე გვჭირდებოდა. ამას გარდა, მხოლოდ მოხმარებაზე კი არაა, ვინც ადრე თუნდაც 200-ზე მეტს მოიხმარდა და იხდიდა, ახლა პრაქტიკულად უსამსახუროდ და უშემოსავლოდაა დარჩენილი და ახლა ვართ უმრავლესობა შავ დღეში.
განა ვერ ხვდებით ამას ხელისუფლებაში, ხვდებით, მაგრამ გაიძვერები ხართ და გკიდიათ ხალხი.
გადახედეთ არაერთ ქვეყანას, ამ საყოველთაო კარანტინში რა ვალდებულებებს იღებს ხელისუფლება გამოკეტილი მოქალაქეების მიმართ. თქვენ, კი, გაიძვერა ხელისუფლება ხართ, გაიძვერა.“– წერს გამზარდია.
შეგახსენებთ, რომ მთავრობის გადაწყვეტილებით ყველას, ვინც მოიხმარს 200 კილოვატზე ნაკლებ ელექტროენერგიას და 200 მ3ზე ნაკლებ ბუნებრივ აირს, კომუნალური გადასახადი 3 თვის განმავლობაში სრულად დაუფინანსდება.
