ბევრი ნივთი, რომელსაც ვიყენებთ და უსაფრთხოდ ვთვლით, სინამდვილეში ჯანმრთელობისთვის საშიშ ნივთიერებებს შეიცავს, რომლებიც ჩვენს ორგანიზმს წამლავს. უბრალოდ, ისინი მომენტალურად არ მოქმედებენ და ორგანიზმში თანდათანობით გროვდებიან, რაც საბოლოო ჯამში სერიოზულ პრობლემებს იწვევს. ექსპერტებმა საყოფაცხოვრებო მოხმარების ნივთების სია შეადგინეს, რომლებიც ბევრ ოჯახშია და ონკოლოგიურ დაავადებებს იწვევს.
1. ჰაერის არომატიზატორი
რა თქმა უნდა, კარგია, როცა სახლში კარგი სუნია. ლამის ყველა ოჯახში ტუალეტში შეგხვდებათ ჰაერის არომატიზატორი – აეროზოლი.თუმცა თითქმის ყოველი ასეთი სპრეი შეიცავს ფტალატებს – კანცეროგენებს, რომლებიც სერიოზულ უარყოფით გავლენას ახდენენ რეპროდუქტიულ ჯანმრთელობაზე და ასთმის პროვოცირებასაც იწვევენ.
თუ ტუალეტის არასასიამოვნო სუნის განეიტრალება გსურთ, ჯობს უსაფრთხო საშუალებას მიმართოთ: გამოიყენეთ დისტილირებული ძმარი და რამდენიმე წვეთი ეთერზეთი. ჩაასხით ის მაღაზიაში ნაყიდი სფრეის ქილაში, შეანჯღრიეთ და მოასხურეთ.
2. სანთლები
ტოქსინებს და კანცეროგენებს შეიძლება შეიცავდეს არომატული სანთლებიც. პრობლემა ძირითადად ფითილებში იმალება.იმისათვის, რომ შეამოწმოთ ფითილი მავნეა თუ არა, აიღეთ ქაღალდის ფურცელი და შეეცადეთ სანთლის ფითილით მასზე სწორი ხაზი გაავლოთ. თუ ეს არ გამოვიდა, ესეიგი თქვენი ფითილი ტყვიას შეიცავს. ასეთი სანთლის დანთებისას სერიოზულად ვნებთ საკუთარ ფილტვებს. მის სიახლოვეს სუნთქვა იგივეა დიდი ქალაქის გზაჯვარედინზე საცობში იდგეთ.
3. პლასტმასის შემცველი ფარდები საშხაპისთვის
ამაზე ალბათ არც გიფიქრიათ, მაგრამ სამწუხაროდ პლასტმასის შემცველი ფარდები შხაპისთვის შეიძლება პოლივინილქლორიდს –PVC–ს შეიცავდეს. ეს არის თერმოპლასტიკის ერთ–ერთი ყველაზე იაფფასიანი სახეობა, რომელიც რეგულარულად გამოყოფს შხამიან კანცეროგენულ შენაერთებს. ის უსაფრთხოა, როცა საქმე ეხება ამ მასალის საკანალიზაციო მილებში გამოყენებას, მაგრამ თუ ეს შენაერთი საშხაპე ფარდებშია, შეიძლება ტოქსინები გამოყოს, რომლებსაც თქვენ ისუნთქავთ ან კანზე გხვდებათ. ამისგან პირველ რიგში სასუნთქი სისტემა ზიანდება.
გამოიყენეთ ფარდები ნატურალური მასალისგან. ეს უსაფრთხოა. ან შუშის “ფარდა“ დააყენეთ.
გაითვალისწინეთ, რომ PVC–ს ხშირად პოულობენ საბავშვო სათამაშოებში, ამიტომ ნუ შეიძენთ იაფფასიან სათამაშოებს.
4. ხალიჩების საწმენდი საშუალება
ქიმიკატებმა, რომლებიც ხალიჩის რთული ლაქების ამოსაყვანად არის განკუთვნილი პოტენციურად შესაძლოა ფილტვის კიბო გამოიწვიოს. მათი მთავარი მოქმედი ნივთიერება პერქლორეთილენია, ან ტეტრაქლორეთილენი. ის რამდენიმე ტიპის სიმსივნის პროვოცირებას იწვევს. კიდევ ერთი საშიში ელემენტი ნაფტალინია. ის ყელის და ფილტვების კიბოს განვითარების ალბათობას ზრდის.
ასე რომ, სცადეთ სხვა საშუალებები, საკვები სოდა, ან ძმარი, და მოერიდეთ ქიმიურ გამწმენდ საშუალებებს. დააყარეთ ხალიჩაზე ლაქას სოდა, შემდეგ კი ძმარგარეული წყლით ამორეცხეთ. კიდევ ერთი კარგი ალტერნატივა ორთქლის საწმენდია. ის დაახლოებით 100 დოლარი ღირს, თუმცა სრულიად ეფექტური და ჯანმრთელობისთვის უსაფრთხოა.
5. საწმენდი საშუალებები
ბევრი მათგანი შეიცავს ტეტრაქლორეთილენს ან პერქლორეთილენს. როგორც ზევით გითხარით, ორივე კანცეროგენია. დარწმუნდით, რომ ჭურჭლის სარეცხი ან სამზარულოს საწმენდი საშუალებები, რომლებსაც თქვენ იყენებთ ამ ნივთიერებებს არ შეიცავს.
6. შინაური ცხოველების მოვლის საშუალებები
ეს იმდენად ცხადია, რომ შესაძლოა თქმაც არ იყოს საჭირო, მაგრამ მაინც შეგახსენებთ: ყველა ნივთიერება, რომელიც ძაღლების და კატებისთვის რწყილების მოსაშორებლად არის განკუთვნილი, ადამიანისთვისაც ძალიან საშიშია. ისინი ფოსფორორგანულ ინსექტიციდებს, პერმეტრინს და კარბამატებს შეიცავენ, რომლებიც ადამიანისთვის საფრთხეს წარმოადგენს. ასე რომ, ეცადეთ შინაურ ცხოველს ისე მოუაროთ, რწყილები არ გაუჩნდეს და მავნე ნივთიერებების გამოყენება არ დაგჭირდეთ.
7. ანტიბაქტერიული პროდუქტები
არ გამოიყენოთ საპონი და კოსმეტიკური პროდუქტები ანტიბაქტერიული ეფექტით. ისინი ბევრ კანცეროგენულ ინგრედიენტებს შეიცავს. მაგალითად, ტრიკოლსანს, რომელიც ევროკავშირის ქვეყნებში აკრძალულია.თუ მიკრობების ძალიან გეშინიათ გამოიყენეთ დასაბანად ვერცხლის შემცველი საშუალებები. უკეთესი იქნება თუ ისეთ საშუალებებს გამოიყენებთ, რომლებიც ნატურალური ინგრედიენტებისგან და უსაფრთხო ეთერზეთებისგან შედგება.
ყოველთვის, როცა ახალ ჰიგიენურ საშუალებას ყიდულობთ, ყურადღება მიაქციეთ რისგან შედგება ის. ეს იმაზე მნიშვნელოვანია, ვიდრე თქვენ ფიქრობთ. საქართველოს მსგავსი ქვეყნების უმრავლესობაში ხელისუფლების მაკონტროლებელი ორგანოების მხრიდან ამ მხრივ რეგულაციები და დამცავი კანონმდებლობა პრაქტიკულად არ არსებობს, ამიტომ მაღაზიებში ხშირად საშიში ნივთები იყიდება.
