საქართველოში სეზონური გრიპის ვირუსის პირველი შემთხვევა დაფიქსირდა. დაავადებათა კონტროლის ეროვნული ცენტრის მონაცემებით, გასულ კვირაში „ბე“ ტიპის ვირუსი მიმდინარე სეზონზე პირველად დაფიქსირდა. „ა“ ტიპის ვირუსის ცირკულირება კი ჯერჯერობით არ დაფიქსირებულა.
NCDC-ს დირექტორი ამირან გამყრელიძე 2 დეკემბერს აცხადებდა, რომ ქვეყანაში გრიპის ვაქცინის 65 ათასამდე დოზა იყო დარჩენილი. მთლიანობაში შესყიდული 235 ათასი დოზადან 10 ათასი დოზა აფხაზეთს გადაეცა, ხოლო 160 ათასი დაიხარჯა ქართული ჯარის და რისკჯგუფების აცრაზე.
