“პრობლემა ის კი არა, რატომ ჩავდივართ შუა აზიის ქვეყნებში, პრობლემაა, რომ მარტო იქ ჩავდივართ” – ანალიტიკოს ირაკლი მელაშვილის შეფასებით, საქართველოსთვის პრობლემა ახლო აღმოსავლეთისა და შუა აზიის ქვეყნებთან თანამშრომლობა კი არა, დასავლეთთან ურთიერთობების გაუარესებაა.
„პრობლემა ის კი არ არის უშუალოდ ახლო – აღმოსავლეთის და შუა აზიის ქვეყნებში რატომ ჩავდივართ, პრობლემა არის ის, რომ მარტო იქით გვიწევს სიარული. ზურგით შევუტრიალდით დასავლეთს, ძალიან მარტივი მიზეზის გამო – აღმოსავლეთში არიან ის ქვეყნები, რომლებიც საქართველოს მთავრობას არ სთხოვენ არც დემოკრატიას, არც ადამიანის უფლებების დაცვას. ამ მხრივ ჩვენზე უარესები არიან და ამიტომ. შუა აზიის ქვეყნების ჩვენდამი ინტერესი უფრო მაღალია, თუ ჩვენ ევროპასთან კარგ ურთიერთობაში ვართ. თუ ჩვენ ვართ ჩიხი, ანუ საქართველო სანქცირებულია და არ აქვს ევროპასთან სავაჭრო ურთიერთობა, მაშინ აღმოსავლეთის ქვეყნებს დიდი ინტერესი არ ექნებათ. ასეთი რუსეთიც ჰყავთ. ჩვენი გეოპოლიტიკური მდებარეობა მარტო პლუსები არ არის, ამას ზედმეტი ფასისს დადება არ სჭირდება“,- განაცხადა მელაშვილმა.