რუსეთში, კრასნოდარის მხარეში, დრონებით თავდასხმის შედეგად ცეცხლი გაუჩნდა აფიპსკის ნავთობგადამამუშავებელ ქარხანას. ამის შესახებ Telegram-ში განაცხადა კრასნოდარის მხარის გუბერნატორმა ვენიამინ კონდრატიევმა.
გუბერნატორის ინფორმაციით, დრონის ნამსხვრევების ჩამოვარდნის შედეგად აფიპსკის რკინიგზის სადგურთან ორი ადამიანი დაიღუპა, ხოლო კიდევ ორი დაშავდა.ქარხნის ტერიტორიაზე სახანძრო და სასწრაფო სამსახურები მუშაობენ.
უკრაინა თანმიმდევრულად უტევს რუსეთის ნავთობგადამამუშავებელ ქარხნებსა და სხვა ინფრასტრუქტურულ ობიექტებს, რითაც ცდილობს შეასუსტოს მოსკოვის ომის შესაძლებლობები და შემოსავლების წყაროები.ანალოგიური მაგალითია პერმის ნავთობგადამამუშავებელი ქარხანა რუსეთის მეშვიდე უმსხვილესი გადამამუშავებელი ქარხანა, რომელმაც ოპერირება შეაჩერა 21 აგვისტოს უკრაინული დრონის შეტევის შემდეგ გამოწვეული ხანძრისა და დაზიანების გამო.
აღსანიშნავია, რომ აფიპსკის ქარხანა ბოლო თვეების განმავლობაში არაერთხელ გამხდარა უკრაინული დრონების სამიზნე — მათ შორის ივნისსა და ივლისში დაფიქსირებული თავდასხმების დროსაც ხანძარი გაჩნდა ობიექტის ტერიტორიაზე.