„კოალიცია ცვლილებისთვის”-ის ერთ-ერთმა ლიდერმა, ნიკა გვარამიამ, სოციალურ ქსელში გამოქვეყნებულ განცხადებაში პატიმრობაში მყოფ საქართველოს ყოფილ პრემიერ-მინისტრს, ირაკლი ღარიბაშვილს მიმართა.
გვარამია აფრთხილებს ღარიბაშვილს, რომ თუ ბიძინა ივანიშვილის დანაშაულების შესახებ არ ისაუბრებს და მხოლოდ საკუთარი ისტორიებით შემოიფარგლება, ეს მისთვის დამამცირებელი აღმოჩნდება — საზოგადოება, მისი თქმით, “ბოლომდე მასხარად გაგხდის და ფეხებს სახეზე შეგაწმენდს.”
„არ ამხელ ბიძინა ივანიშვილს და არ მოყვები მისი დანაშაულების შესახებ და მარტო შენი ისტორიებით გაერთობა ერი, ბოლომდე მასხარად გაგხდის და ფეხებს სახეზე შეგაწმინდავს.
ბოლოს ისეთები მისცემენ შენზე ჩვენებას, სიმწრისგან გულღვიძლი დაგეწვება.
ისეთებს მოყვებიან შენზე ყველაზე ახლობელი ადამიანები, რომ სირცხვილისგან დაიწვები.
ვის უფრთხილდები და რას ელოდები? შენს შვილებს გაუფრთხილდი და ის მაინც დაანახვე, რომ წინააღმდეგობას სწევ.
ბოლობოლო, შური მაინც იძიე.
უბედურებაში გამწარებული მაინც იყავი და არა მორჩილი და მოძალადის თვალებში შემციცინე.
თუ არ აჯანყდები, ატკინე მაინც.
თუ ვერ დაამარცხებ, დაასუსტე მაინც.
სიმართლე თქვი! თუ მხილების და სამართლიანობის სახელით არა, მტრის გასამწარებლად და დასასუსტებლად მაინც.
მოძალადის ტყვეობაში მაინც ნუ იქნები მისი მონა“, – ნათქვამია გვარამიას მიერ სოციალურ ქსელში გამოქვეყნებულ განცხადებაში.