დიდ ბრიტანეთში კორონავირუსზე ვაქცინაციის მასობრივი პროგრამა დაიწყო. პირველი ვაქცინა 90 წლის ქალს, მარგარეტ კენანს გაუკეთდა. მისი თქმით, შემდეგ კვირას 91 წლის ხდება, ამიტომ ეს დაბადების დღის საუკეთესო საჩუქარია.
მას ფაიზერის/ბიონტექის კორონავირუსის ვაქცინა გაუკეთეს, რომელიც წინა კვირას ოფიციალურად გამოყენებისთვის დაამტკიცეს.
პირველ ეტაპზე აცრას 80 წელს გადაცილებულები და ჯანდაცვის სფეროში მომუშავე ადამიანები გაიკეთებენ. თვის ბოლომდე კი ვაქცინას 4 მილიონი ადამიანი მიიღებს.
