გერმანელ ექთან მამაკაცს, ნილს ჰიოგელს სამუდამო პატიმრობა მიესაჯა გერმანიის ჩრდილოეთით მდებარე ორ საავადმყოფოში ჩადენილი 85 მკვლელობის გამო.მოსამართლე სებასტიან ბიურმანმა სასამართლო სხდომაზე ჰიოგელის მიერ ჩადენილ დანაშაულს წარმოუდგენელი უწოდა. გამოძიების მასალებით 1999–დან 2005 წლამდე პერიოდში ჰიოგელი პაციენტებს გულის პრეპარატების სასიკვდილო დოზებს უკეთებდა.
ყოფილი ექთანი უკვე იხდის სასჯელს ორი მკვლელობისთვის. ის გერმანიის თანამედროვე ისტორიაში ყველაზე სისხლიან მკვლელად ითვლება.გამომძიებლის ინფორმაციით ჰიოგელი თავიდან პაციენტებს წამლავდა, შემდეგ კი მათ განკურნებას ცდილობდა, რითაც კოლეგებზე შთაბეჭდილების მოხდენა უნდოდა.
ექთნის ერთ–ერთი კოლეგა გერმანულ გაზეთ Bილდ–ს უყვება, რომ ჰიოგელს მეტსახელად “რეანიმატორ რემბოს” ეძახდნენ, რადგან ის ყოველთვის პირველი გარბოდა პაციენტის რეანიმირებისთვის.სასამართლო პროცესის ბოლო დღეს 42 წლის ჰიოგელმა პატიება სთხოვა მისი მსხვერპლის ნათესავებს მისი”საშინელი საქციელის” გამო.
“მინდა გულწრფელი ბოდიში მოვიხადო იმის გამო, რაც თქვენს მიმართ ამ წლების მანძილზე ჩავიდინე.”– განაცხადა მან. ჰიოგელს ბრალი ასი პაციენტის მკვლელობაში გერმანულ ქალაქებში – დელმენჰორსტში და ოლდენბურგში დასდეს. პოლიცია თვლის, რომ შესაძლოა მსხვერპლის რაოდენობა მეტია, თუცა ბევრი გარდაცვლილის კრემაცია მოხდა, რის გამოცმტკიცებულებები განადგურდა. გერმანული მედიის ინფორმაციით თავად ჰიოგელმა 55 მკვლელობა აღიარა, ამის მიუხედავად სასამართლომ ის 85 ადამიანის მკვლელობაში ცნო დამნაშავედ.ჰიოგელის საქმემ გერმანია შეაძრწუნა.
გერმანელები შოკში ჩააგდო იმან, რომ ორისაავადმყოფოს პერსონალი ყურადღებას არ აქცევდა მათ კლინიკებში პაციენტთა სიკვდილიანობის რიცხვის უჩვეულო ზრდას. მკვლელობების სერია 2005 წელს დასრულდა, როცა დელმენჰორსტის საავადმყოფოში ჰიოგელი იმ დროს გამოიჭირეს, როცა მას პაციენტის ორგანიზმში ისეთი პრეპარატი შეჰყავდა, რომელიც მისთვის ექიმებს არ დაუნიშნავთ.2008 წელს ექთან მამაკაცს 7 წლიანი პატიმრობა მიუსაჯეს მკვლელობის მცდელობის გამო, თუმცა სხვა სავარაუდო მსხვერპლთა ნათესავებმა გამოძიების გაგრძელება მოითხოვეს.
მეორე სასამართლო პროცესზე 2015 წელს ყოფილ ექთანს სამუდამო პატიმრობა მიუსაჯეს ორი მკვლელობისა და ერთი მკვლელობის მცდელობის გამო.მაშინ ჰიოგელი ფსიქიატრს გამოუტყდა, რომ 30 ადამიანი მოკლა.გამოძიება გაგარძელდა და მოხდა 130 პაციენტის ცხედრის ექსგუმაცია იმისათვის, რომ მათ ორგანიზმში მედიკამმენტის კვალი ეპოვნათ, რომელმაც გულის გაჩერება გამოიწვია.
ოლდენბურგის საავადმყოფოს მონაცემებმა დაადასტურა, რომ გარდაცვლილთა რაოდენობა და რეანიმაციის გამოყენების შემთხვევები ჰიოგელის მორიგეობის დროს ორმაგდებოდა.
