ბატონი პეტერ ფიშერისგან ქართველი ხალხის მიმართ დამოკიდებულებას ვხედავთ და არ ვიცი, მას რატომ აქვს გარკვეული ზიზღი ქართული ოცნებისადა მისი ამომრჩევლების მიმართ. მინდა, მას ვუთხრა, რომ ქართველ ხალხს და განსაკუთრებით, ქართულ ოცნებასა და მის ამომრჩევლებს ზიზღის ობიექტად ნუ ხდის. ჩვენ არ ვფიქრობთ, რომ სწორია, ზიზღის ობიექტად წარმოსახო საქართველო, მისი მოსახლეობა, მისი ხელისუფლება. სამწუხაროდ, მის გამონათქვამებსა და პოზიციებში ეს ზიზღი ძალიან ნათლად ჩანს.
საკმაოდ მძიმეა, რომ იმის ფონზე, რა პარტნიორობაც საქართველოსა და გერმანიას შორის არსებობდა, დღეს გვყავს ადამიანი, რომელიც გერმანიას წარმოადგენს და ვინც პირდაპირ გვაჩვენებს მის პიროვნულ დონეზე ზიზღის პოზიციას ქართული ოცნების, ხელისუფლებისა და მისი ამომრჩევლების მიმართ […] ეს არ არის ევროპული საქციელი, ევროპული მიდგომა, ბოლო ათწლეულების გერმანული მიდგომა, რომ სხვა საზოგადოებაში ზიზღი დათესო. ვფიქრობ, ბატონი პეტერის შემთხვევაში ეს უკვე უიმედო შემთხვევაა – ჩვენ მხოლოდ ისღა დაგვრჩენია, ივნისს დაველოდოთ, როცა ის საქართველოდან წავა. იმედი მაქვს, შემდეგი ადამიანი, ვინც ჩამოვა, ამ ყველაფერს გაითვალისწინებს. სამწუხაროა, რომ ამ ადამიანმა საქართველოსა და გერმანიას შორის 30-წლიანი მჭიდრო პარტნიორობა 3 წელიწადში დაანგრია.
