ამერიკის შეერთებულმა შტატებმა, Johnson & Johnson-ის ვაქცინის გამოყენება დროებით შეაჩერა. აცრის მიღებიდან ორი კვირის განმავლობაში ექვს ბენეფიციარს იშვიათი აშლილობა დაუდასტურდა, რომელიც თრომბთან არის დაკავშირებული. ყველა ვაქცინირებული 48 წლამდე ქალია. ამერიკის ჯანდაცვის სფეროს სახელისუფლებო წარმომადგენლების ინფორმაციით, ერთ-ერთი მათგანი გარდაიცვალა, მეორე ქალი კი ნებრასკას შტატიდან კრიტიკული მდგომარეობით საავადმყოფოში გადაიყვანეს.
ამ დროისთვის, აშშ-ში Johnson & Johnson-ის ვაქცინით 7 მილიონამდე ადამიანია აცრილი.
