კომპანია Facebook–მა მიიღო ზომები მის ქსელებში კორონავირუსის შესახებ დეზინფორმაციის გავრცელების წინააღმდეგ. ამის შესახებ კომპანიის ოფიციალურ გვერდზე ინფორმაცია გავრცელდა.
იმისათვის, რომ მომხმარებელს დაავადების შესახებ უფრო სანდო ინფორმაციის მიღებაში დაეხმაროს, კომპანია გამოიყენებს ფაქტოლოგიური შემოწმების ალგორითმს, რომელიც მცდარი ინფორმაციის გამოვლენას მოახდენს და შეზღუდავს მის გავრცელებას ფეისბუქზე და ინსტაგრამზე. შემოწმების შედეგებს მომხმარებელს გააცნობენ, რომლებიც შეეცდებიან გაუაზრებლად გააზიარონ არასანდო არასწორი ინფორმაცია.
გარდა ამისა, კომპანიას გადაწყვეტილი აქვს ქსელიდან წაშალოს შეთითხნილი მონაცემები, თითქოსდა სამკურნალო ქმედითი საშუალებების შესახებ პნევმონიის წინააღმდეგ, რომელსაც კორონავირუსი იწვევს, ასევე კონსპიროლოგიური თეორიები დაავადების მიზეზების შესახებ, რომლებსაც “შეუძლიათ ზიანი მიაყენონ იმ ადამიანებს, ვინც მათ დაიჯერებს.“
