კვირას საღამოს გერმანიამ კორონავირუსის გავრცელების საწინააღმდეგო ზომები გაამკაცრა. მოქალაქეებს აეკრძალათ ორ კაცზე მეტი რაოდენობის ჯგუფებად შეკრება საცხოვრებელი სახლების და სამუშაო ადგილების მიღმა.
გარდა ამისა, ხელისუფლებამ ყველა კაფე და რესტორანი დახურა. მუშაობს მხოლოდ სახლიდან შეკვეთის სერვისი. იკეტება საპარიკმახეროები, სამასაჟე და ტატუს სალონები.
კანცლერი ანგელა მერკელი საკუთარ სახლში, კარანტინში ჩაიკეტება. გაირკვა, რომ კორონავირუსი იმ ექიმს დაუდგინდა, რომელმაც მას ორი დღის წინ აცრა გაუკეთა.
