ანჯელინა ჯოლი შესაძლებლობას არ უშვებს ხელიდან, რომ დრო შვილებთან ერთად გაატაროს. ბოლო დროს პაპარაცები მას ხშირად უღებენ ფოტოებს შვილებთან ერთად სეირნობისას. ის ხან მაღაზიებში დადის 14 წლის ზახარასთან ერთად, ხან ნაყინს მიირთმევს ვივენთან ერთად, ხან კი ყველა შვილთან ერთად მხიარულობს.
ამჯერად ფოტოგრაფებმა ანჯელინა 15 წლის პაქსთან ერთად შენიშნეს დასავლეთ ჰოლივუდის ერთ–ერთი რესტორნიდან გამოსვლისას. მსახიობს მოკლემკლავიანი შავი მაისური და შავი ტყავის შარვალი ეცვა. ის როგორც წესი, ძირითადად შავ სამოსს ამჯობინებს. დედა–შვილს რესტორნის გარეთ დაცვა და მანქანა ელოდა.
