ბეჭდების მბრძანებლის ავტორის, ჯ. რ. რ. ტოლკინის, შვილი კრისტოფერ ტოლკინი 95 წლის ასაკში გარდაიცვალა. გარდაცვალების მიზეზი ამ ეტაპზე უცნობია. ინფორმაციას ამის შესახებ დასავლური მედია “ტოლკინის საზოგადოებაზე” დაყრდნობით ავრცელებს:
“კრისტოფერ ტოლკინი 95 წლის ასაკში გარდაიცვალა. ტოლკინის საზოგადოება ღრმა სამძიმარს ვუთვლით ბეილის, საიმონს, ადამს, რეიჩელსა და ტოლკინის ოჯახის ყველა წევრს”.- წერია “ტოლკინის საზოგადოების” მიერ გავრცელებულ განცხადებაში.
კრისტოფერი არედაქტირებდა ტოლკინის იმ წიგნებს, რომლებიც მისი გარდაცვალების შემდეგ გამოიცა.
მან ასევე შექმნა ბეჭდების მბრძანებლის ცნობილი რუკები, რომლებიც 1950-იან წლებში, “ჰობიტის” შემდეგ გამოცემულ წიგნების სერიას ამშვენებდა. კრისტოფერ ტოლკინის სახელს უკავშირდება ასევე სილმარილიონის რედაქტირებაც, რომელიც 1977 წელს გამოიცა.
