„ავტომობილების გერმანული მწარმოებელი – BMW სამედიცინო ნიღბების გამოსაშვებად არის მზად”, – განაცხადა კომპანიის გენერალურმა დირექტორმა, ოლივერ ციპსემ.
„ამ გზით ჩვენ გლობალური დეფიციტის აღმოფხვრაზე აქტიურად ვიმუშავებთ. ძალიან მალე შევძლებთ დღეში რამდენიმე ასეული ნიღბის წარმოებას. ისინი როგორც ჩვენს თანამშრომლებს, ისე საზოგადოების უზრუნველყოფას მოხმარდება”, – აღნიშნა ოლივერ ციპსემ.
მედია აღნიშნავს, რომ კომპანია უკვე მოკლევადიან პერსპექტივაში მიაწვდის ბავარიას 150 ათასს FFP2 ტიპის სამედიცინო ნიღაბს სამედიცინო პერსონალისთვის და 1 მლნ ჩვეულებრივ ნიღაბს.
