სულ ცოტა ხნის წინ ბრიტანეთის პრემიერმა ქვეყანაში კორონავირუსის ეპიდემიასთან დაკავშირებით ახალი შეზღუდვების შემოღების შესახებ განაცხადა.
ბორის ჯონსონის თქმით, ამიერიდან ბრიტანელები ვალდებულნი იქნებიან სახლში დარჩნენ და ქუჩაში მხოლოდ მკაცრად განსაზღვრულ შემთხვევებში გამოვიდნენ.
ორშაბათს საღამოდან სახლიდან გამოსვლის ნებართვა მხოლოდ პირველადი აუცილებლობის პროდუქტების შესაძენად, ფიზიკური ვარჯიშისთვის (დღეში მხოლოდ ერთხელ, ისიც მარტო ან ოჯახის წევრებთან ერთად), სამედიცინო აუცილებლობით ან ისეთ სამსახურში წასასვლელად გაიცემა, რომელიც სასიცოცხლოდ აუცილებლად არის აღიარებული.
დაიხურება ყველა მაღაზია, გარდა პირველადი აუცილებლობის პროდუქტების მაღაზიებისა. იკრძალება ნებისმიერი საზოგადოებრივი თავყრილობა და ორ ადამიანზე მეტის ერთად შეკრება.
პოლიციას მიეცა მითითება დააჯარიმოს ისინი, ვინც წესს დაარღვევენ და გაფანტოს ხალხის თავყრილობა.
