უნგრეთის დედაქალაქ ბუდაპეშტში მდინარე დუნაიში საექსკურსიო კატერის ბორტზე მყოფი 33 ადამიანიდან 7 დაიღუპა კატერის გადაბრუნების შედეგად. 19 ადამიანსი ისევ ეძებენ. კატერს გემი შეეჯახა, როცა ის უნგრეთის პარლამენტის წინ იდგა.კატერი შეჯახების შედეგად გადაბრუნდა.
კატერზე სახელად Hableany სამხრეთ კორეელი ტურისტები იყვნენ. კორეის საგარეო საქმეთა სამინისტრო ადასტურებს 19 მოქალაქის დაკარგვას. სამხრეთ კორეა უნგრეთში ექსპერტების დელეგაციას გზავნის.
შემთხვევა გუშინ გვიან საღამოს მოხდა. რამდენიმესაათიანი ძებნის შემდეგ მაშველებმა ჩაძირული კატერი მაგრიტის ხიდის სიახლოვეს იპოვნეს. სამაშველო ოპერაციაში მონაწილეობენ კატერები, მყვინთავები, პროჟექტორები, მდინარეს რამდენიმე კილომეტრის სიგრძეზე ლოკატეორების საშუალებით სკანირებას უკეთებენ.
მდინარუ დუნაის დონე მარტის დასაწყისიდან ხშირი წვიმების გამო ადიდებულია, დინება კი აჩქარებული, რაც სამუშაოებს ართულებს.
მაშველების თქმით რაც მეტი დრო გადის, მით შორს მიაქვს დინებას ცხედრები და ცოცხლად გადარჩენილთა პოვნის ალბათობა მცირდება.
