“ყაზტრანსგაზის” წარმომადგენლის განცხადებით, ბინაში, სადაც დღეს ბუნებრივი აირის გაჟონვის გამო, 7 ადამიანი გარდაიცვალა, გეგმიური რევიზიის დროს კუსტარულად დამონტაჟებული წყლის გამათმობელი ნახეს და მოხდა მისი ჩაჭრა, თუმცა კომპანიის წარმომადგენლების გაფრთხილების მიუხედავად, ბინის მეპატრონემ მოწყობილობა თვითნებურად შეაერთა. “ყაზტრანსგაზი” ამის დამადასტურებლად გაზის ჩაჭრის ოქმს ავრცელებს.
