შეიძლება, კორონავირუსის საწინააღმდეგო ვაქცინა წლის ბოლოს მზად იყოს – ამის შესახებ ჯანდაცვის მსოფლიო ორგანიზაციის ხელმძღვანელმა, ტედოს გებრეიესუსმა, ჯანდაცვის მსოფლიო ორგანიზაციის აღმასრულებელი საბჭოს სხდომაზე ისაუბრა და მსოფლიო ლიდერებს ვაქცინის თანაბარი განაწილებისა და სოლიდარობისკენ მოუწოდა.
“ჩვენ ძალიან დაგვჭირდება ვაქცინები და არის იმედი, რომ ამ წლის ბოლომდე შეიძლება ვაქცინა გვქონდეს. გვაქვს იმედი“– თქვა ჯანმოს ხელმძღვანელმა ჯანმოს აღმასრულებელ კომიტეტზე დასკვნით სიტყვაში, რომელზეც პანდემიაზე რეაგირების გლობალური ზომები განიხილებოდა.
ევროკავშირის ჯანდაცვის მარეგულირებელმა ორგანომ რეალურ დროში დაიწყო კორონავირუსის ვაქცინის მიმოხილვა , რომელიც ამერიკულმა წამლების მწარმოებელმა კომპანია Pfizer–მა და გერმანულმა BioNTech–მა შეიმუშავეს. მანამდე ანალოგიური განცხადება გაკეთდა მათი კონკურენტის, AstraZeneca’s–ს ვაქცინასთან დაკავშირებით.
