კორონავირუსისგან სიკვილიანობის მაჩვენებლის დონე სხვადასხვა ქვეყანაში მნიშვნელოვანად განსხვავდება, რაც აშკარად მიუთითებს მონაცემების სიზუსტესთან დაკავშირებით არსებულ გაურკვევლობაზე.
კოეფიციენტზე ისეთი ფაქტორები ახდენს გავლენას, როგორიც არის დაავადებულთა ასაკი, ჯანდაცვის სისტემის მდგომარეობა და ჩატარებული ტესტების რაოდენობა. ასევე დათვლის მეთოდები.
ოქსფორდის უნივერსიტეტის შეფასებით 28 მარტისთვის არსებული მონაცემებით იტალიაში სიკვდილიანობის დონე 11%–ს აჭარბებს, როცა გერმანიაში ის 0.79% –ია. დიდ ბრიტანეთში ეს მაჩვენებელი 6.29%–ს შეადგენს, ჩინეთში კი 4.05%–ს.
უორიკის უნივერსიტეტის პროფესორის, მაიკლ ტილდსის განცხადებით დიდ ბრიტანეთში კორონავირუსით დაინფიცირებული ყოველი ადამიანის სიკვდილი ლეტალური შედეგების საერთო სტატისტიკაშია გათვალისწინებული, მაშინ , როცა გერმანიაში მხოლოდ იმ ადამიანების გარდაცვალება შეყავთ კორონავირუსით გარდაცვალებულთა სტატისტიკაში, რომლის გარდაცვალების მიზეზი უშუალოდ კორონავირუსი გახდა. ასეთი განსხვავებები დათვლის მეთოდებში იძლევა მნიშვნელოვან განსხვავებას სიკვდილიანობის მაჩვენებლის შეფასებისას.
იტალიაში ჯანდაცვის უმაღლესმა ინსტიტუტმა რეკომენდაცია გასცა სიკვდილიანობის სტატისტიკაში შეეყვანათ ყველა პაციენტის გარდაცვალება, რომლებიც კორონავირუსით დაინფიცირების შემდეგ გარდაიცვალნენ, მიუხედავად მათი ავადმყოფობის ისტორიისა და იმისა, გახდა თუ არა უშუალოდ კორონავირუსი მათი გარდაცვალების პირველადი მიზეზი. არადა, გარდაცვლილთა მხოლოდ 0.8%–ს არ ქონია სხვა პათოლოგიები და მოსახლეობის დიდი ნაწილი– 23% 65 წელს გადაცილებულია.
ესპანეთის სტატისტიკაში არ არის გათვალისწინებული ის გარდაცვლილები, რომლებიც სახლში ან მოხუცებულთა პანსიონატებში გარდაიცვალნენ და გამოკვლევა არ გაუვლიათ.
საფრანგეთში კი პოლემიკა მიმდინარეობს საავადმყოფოების გარეთ მომხდარ ლეტალურ შემთხვევებზე. მოხუცებულთა თავშესაფრის წარმომადგენლები, რომლებიც ინფექციისგან უფრო დაზარალებულ რეგიონებში მდებარეობს, აცხადებენ, რომ კორონავირუსით სიკვდილიანობის რეალური მაჩვენებელი ოფიციალურ მონაცემებზე ბევრად მაღალია.
გერმანიაში Covid-19-ით გარდაცვალების ყველა შემთხვევის აღრიცხვა მიმდინარეობს. უნდა აღინიშნოს, რომ აქ ბევრად ნაკლები ხანდაზმული დაინფიცირდა, ვიდრე სხვა ქვეყნებში. ეპიდემიის დასაწყისიდან დღემდე კი ასეულობით ათასი ტესტირება ჩატარდა.
