მუნირა აბდულა არაბეთის გაერთიანებული საემიროდან 27 წლიანი კომიდან გამოფხიზლდა. 1991 წელს ავტოკატასტროფისას ის საკუთარი სხეულით გადაეფარა 4 წლის შვილს, ომარს, რათა ის გადაერჩინა. ომარმა ჟურნალისტებს დედის ისტორია უამბო. ავტოკატასტროფისას მუნირა 32 წლის იყო. ავტომობილი, რომელსაც მისი მაზლი მართავდა ავტობუსს შეეჯახა. მუნირა და მისი შვილი, ომარი უკანა სავარძელში ისდნენ.
{{ARTICLEIMAGE}}
ომარი ყვება, რომ შეჯახების წინ დედამ მოასწრო და შვილს სხეულით გადაეფარა. “იმედი არასოდეს დამიკარგავს. ყოველთვის ვგრძნობდი, რომ ოდესმე გაიღვიძებდა. გადავწყვიტე ეს ისტორია ხალხს მოვუყვე, რომ იმედი არ დაკარგონ, თუ მათი ახლობლები ასეთ სიტუაციაში აღმოჩნდებიან. ნუ ჩათვლით მათ გარდაცვლილად, კომა სიკვდილს არ ნიშნავს“ – ამბობს გაზეთ National-თან ინტერვიუში ომარი.“დედა ჩემთან ერთად უკანა სკამზე იჯდა. როცა დაიანახა, რომ ავარია გარდაუვალი იყო შემომეხვია, რომ დარტყმისგან დავეცავი.“ –ამბობს ომარი. საბოლოდ ის მხოლოდ მსუბუქი ტრავმით გადარჩა, დედამ კი ქალა–ტვინის სერიოზული ტრავმა მიიღო და მხოლოდ გასულ წელს, გერმანიაში გამოვიდა კომიდან, რომელშიც 27 წელი გაატარა.
ავარიის შემდეგ მუნირა საავადმყოფოში დააწვინეს, შემდეგ კი ლონდონში გადაიყვანეს. ის ვეგეტატიურ მდგომარეობაში რჩებოდა – სტიმულებზე არ რეაგირებდა, მაგრამ ტკივილს გრძნობდა.
შემდეგ ის უკან, გაერთიანებულ საემიროში, მშობლიურ ქალაქ ელ აინში გადაიყვანეს, სადაც მისი სადაზღვევო პოლისის მიხედვით საავადმყოფოში დააწვინეს. იქ რამდენიმე წელი დარჩა. მას მილებით კვებავდნენ და პერიოდულად ფიზიოთერაპიას უტარებდნენ, რომ კუნთების ატროფია არ დაწყებოდა.
2017 წელს მუნირას ოჯახს პრინცის ოჯახიდან გრანტი შესთავაზეს. საავადმყოფოს ადმინისტრაცია ფულს სთავაზობდა ქალის გერმანიაში გადასაყვანად. მას რამდენიმე ოპერაცია გაუკეთეს, რათა დისტროფიის განვითარება აღეკვეთათ და ზოგადი მდგომარეობის გასაუმჯობესებლად პრეპარატები დაუნიშნეს.
მუნირას გერმანიაში გადაყვანიდან ერთი წლის შემდეგ ერთ დღესაც ომარი საავადმყოფოს პერსონალს ხმამაღლა ეკამათებოდა, როცე დედამისი გაინძრა. “პალატაში დიდი აურზაური იყო და როგორც ჩანს, იფიქრა რომ საფრთხეში ვიყავი და ამან შოკის პროვოცირება გამოიწვია. უცნაურ ხმებს უშვებდა. ექიმებს ვთხოვე გაესინჯათ. მათ თქვეს, რომ ყველა მაჩვენებელი ნორმაში იყო. სამი დღის შემდეგ პალატაში ძილის დროს გამეღვიძა იმის გამო, რომ ვიღაც ჩემს სახელს იძახდა. ეს დედა იყო! ჩემს სახელს ამბობდა. ბედნიერებისგან მეცხრე ცაზე ვიყავი. ეს იყო მომენტი, რომელზეც წლობით ვოცნებობდი. მისი პირველი სიტყვები ჩემი სახელი იყო“– ყვება ომარი.
მუნირა გონზე ნელ–ნელა მოდიოდა. ამჟამად მას უკვე საუბარი შეუძლია, თუმცა ტკივილები ისევ აწუხებს. მუნირა აბუდაბიში დაბრუნდა და ახლა ფიზიოთერაპიის კურსს გადის, რომ ნორმალურად ჯდომის უნარი დაუბრუნდეს.
შემთხვევები, როცა ადამიანებს წლობით კომაში ყოფნის შემდეგ ცნობიერება დაუბრუნდათ ძალიან ცოტაა. და მაშინაც კი, როცა ეს ხდება რეაბილიტაციას ძალიან დიდი დრო სჭირდება.
ბრიტანეთის ჯანდაცვის სამსახურში ამტკიცებენ, რომ ადამიანის კომიდან გამოსვლის ალბათობის შეფასება შეუძლებელია. ის ადამიანებიც კი, რომლებიც კომიდან გამოდიან ხშირად ტვინის დაზიანების გამო ინვალიდებად რჩებიან.
კომიდან გამოსვლის ერთ–ერთი ყველაზე ცნობილი შემთხვევა ტერი უოლისის შემთხვევაა. ამერიკელი ავტოკატასტროფაში 19 წლის ასაკში მოხვდა და 19 წელი უგონო მდგომარეობაში გაატარა. მისი ტვინის ქსოვილმა რეგენერირება შეძლო.
ფორმულა1–ის ლეგენდამ, მიხეილ შუმახერმა ხელოვნურ კომაში რამდენიმე თვე გაატარა. 2016 წლის სექტემბერში მისმა ადვოკატმა, ფელიქს დამმა განაცხადა, რომ ავტომრბოლელს ჯერ კიდევ არ შეუძლია დამოუკიდებლად სიარული და დაუხმარებლად წამოდგომაც არ შეუძლია.
