ამერიკის შეერთებულ შტატებსა და ირანს შორის ვითარების ესკალაციას, სოციალურ ქსელში საქართველოს საგარეო საქმეთა მინისტრი ეხმიანება. დავით ზალკანიანი ტვიტერზე წერს, რომ ვითარების დეესკალაციისა და დაძაბულობის შემცირებისთვის დიპლომატიის დროა : ,, ჩვენ დავგმეთ ბოლოდროინდელი ძალადობა და პროვოკაციული თავდასხმა ბაღდადში შეერთებული შტატების საელჩოზე. შტატებს ლეგიტიმური უფლება აქვს, საკუთარი მოქალაქეები დაიცვას,” – დაწერა დავით ზალკალიანმა ტვიტერზე.
საგარეო საქმეთა სამინისტროს ინფორმაციით- ერაყში განვითარებული მოვლენების გამო- იორდანიის ჰაშიმიტურ სამეფოში საქართველოს საელჩო საქართველოს მოქალაქეებთან მუდმივ კონტაქტზეა.
” საელჩო მუშაობს ერაყში საქართველოს საპატიო კონსულების მეშვეობით იმ ქართველებთან, ვის შესახებაც არსებობს ინფორმაცია და ყველა მათგანი გაფრთხილებულია უსაფრთხოების ზომებთან დაკავშირებით. რაც შეეხება ირანს, საელჩო ასევე მუშაობს ამ მიმართულებით“ – აცხადებენ საგარეო უწყებაში.
შეგახსენებთ, რომ ბაღდადის აეროპორტში შეერთებული შტატების სამხედრო ოპერაციის დროს, ირანის ერთ-ერთი ყველაზე გავლენიანი სამხედრო პირი , „ყუდსის ძალების“ გენერალი, ყასიმ სულეიმანი დაიღუპა. მომხდარი ირანმა-ამერიკის მხრიდან ომის გამოცხადებად შეაფასა. ირანის სულიერი ლიდერი, პრეზიდენტი და თავდაცვის მინისტრი შტატებს საპასუხო ზომებით ემუქრებიან. სიტუაციის დაძაბვის შემდეგ, აშშ-ის სახელმწიფო დეპარტამენტმა ამერიკის მოქალაქეებს მოუწოდა, დაუყოვნებლივ დატოვონ ერაყი. თავის მოქალაქეებს სიფრთხილისკენ მოუწოდებს საფრანგეთიც და დიდი ბრიტანეთიც.
