ევროკავშირმა, კიევში გამართულ კონფერენციაზე უკრაინის პრეზიდენტს, ვოლოდიმირ ზელენსკის კითხვარი გადასცა, რომელიც ქვეყანას კანდიდატის სტატუსის მინიჭებაში დაეხმარება. ინფორმაციას BBC ავრცელებს.
კითხვარის მიღების შემდეგ, ვოლოდიმირ ზელენსკიმ განაცხადა, რომ 1 კვირაში კითხვარი უკვე მზად იქნება.
ევროკომისიის პრეზიდენტმა, ურსულა ფონ დერ ლაიენმა, რომელიც დღეს, ევროკავშირის უმაღლესი წარმომადგენელი ჯოზეფ ბორელთან ერთად კიევში ჩავიდა, განაცხადა, რომ ” უკრაინა, ევროპული მომავლისკენ მიისწრაფვის”.
- „რუსეთი ეკონომიკურ, ფინანსურ და ტექნოლოგიურ რღვევაზე გადავა, ხოლო უკრაინა, ევროპული მომავლისკენ მიისწრაფვის. ეს არის ის, რასაც მე ვხედავ”, – განაცხადა ევროკომისიის პრეზიდენტმა ურსულა ფონ დერ ლაიენმა.
აქვე შეგახსენებთ, რომ დღეს 8 აპრილს, საქართველოს საგარეო საქმეთა სამინისტრომ გაავრცელა განცხადება, სადაც ნათქვამია, რომ ევროკავშირში წევრობის განაცხადთან დაკავშირებული კითხვარის გადაცემას, უახლოეს მომავალში, კერძოდ კი მომავალ კვირაში ელოდებიან.
საქართველომ ევროკავშირის წევრობაზე განაცხადი მიმდინარე წლის, 3 მარტს შეიტანა.
