“მოხსენებაში, რომელიც გამოქვეყნდა ძალიან ბევრი პოზიტივი წერია, არის საკითხები, რასაც ყურადღება უნდა დავუთმოთ და ეს მოხსენება რასაკვირველია მნიშვნელოვანია. მოხსენება რომც არ იყოს, იმ თემებზე, რასაც ჰქვია კორუფციასთან ბრძოლა, სასამართლო სისტემის გაუმჯობესება, სისტემატური მუშაობაა საჭირო, მაგრამ მთლიანობაში პოზიტიური მოხსენებაა და ვფიქრობ ამან განსაკუთრებით ადამიანის უფლებების დაცვის საკითხებთან და სხვა ბევრ საკითხთან მიმართებით საკმაოდ სერიოზული ისტერიკა გამოიწვია ოპონენტების გუნდში, რაც არ არის კარგი. მოწინავეთა რიგებში საქართველო იყო და არის არამარტო სამეულის ფორმატში, არამედ ევროკავშირშიც ბევრ ქვეყანას ბევრი მაჩვენებლით უსწრებს წინ.[…] მიგვაჩნია, რომ არის საკითხები, რომელზეც კრიტიკა მოსასმენია, მაგრამ არის თემები, სადაც კრიტიკა განპირობებულია გარკვეული კონიუნქტურით და რადიკალური პოლიტიკური ჯგუფების ინტერესებით. ვენეციის კომისიაში გადაგზავნა, თუნდაც, სამჯერ მოსმენილი კანონის, ვფიქრობ ნორმალურია და ქვეყნის ინტერესებს ემსახურება, თუ რაიმე შენიშვნები არსებობს, უნდა დავსხდეთ ვიმსჯელოთ, კარგი იქნება, რომ ერთად ვიმსჯელოთ, მაგრამ ჩვენ არ მოველით, რომ რევოლუციურ კომიტეტს ასეთი განწყობა ექნება,”
ამის შესახებ პარლამენტის პირველმა ვიცე- სპიკერმა გია ვოლსკიმ განაცხადა.
